चिदानंद दोंदिल बाळ डोळस

चिदानंद दोंदिल बाळ डोळस ।
कृष्ण खेळवीत निवे मानस ॥१॥
सये आन कांहीं या जीवा नावडे ।
चित्त गुंतलें तया सुखी न निवडे ॥२॥
देहा गेहा आठव नाहीं सर्वथा ।
स्थिति बाणली सहज रूप पाहतां ॥३॥
तेज सांवळें द्दष्टींत कोंदलें ।
तेणें प्रकाशें सबाह्य मन माझें वेधलें ॥४॥
वृत्तिसहित इंद्रियें परतलीं ।
कृष्णरूपीं मिळोनियां गेलीं ॥५॥
नामया स्वामी आदि परंपरा ।
आवडता आहे तो माझा सोयरा ॥६॥

चिदानंद दोंदिल बाळ डोळस आहे, कृष्ण खेळविताना मानस निवते. सखी, या जीवा काही आवडत नाही, चित्त त्या सुखात गुंतले. देह गेह आठवत नाहीत, रूप पाहता स्थिति बाणली. सांवळे तेज दृष्टीत कोंदले, त्या प्रकाशाने मन वेधले. इंद्रिये वृत्तीसहित परतली, कृष्णरूपात मिळाली. नामयाचा स्वामी आदिपरंपरा आहे, माझा आवडता सोयरा आहे.

- संत नामदेव